بدلة الإعدام
للشاعر / رضا البوشي
بعد التحية والسلام
بعد المناهدة مع الليام
قررت اني أخنق الاحزان
بايدية في ميدان عام
وأفتح صفحة جديدة
بلون الورد
واعمل معاهدة صلح
مع الأحلام
واحرق كل الحاجات الخارجة ع المألوف
واكتم عيون الخلق اللي ملاها الخوف
واصب غضب السنين على كل الفساد
وأقطع شرايين الظروف
صفوف كتير في العتمة
شايفها صابع روج
كفوف متقطعة جوة وطن مكفوف
أنفاس مكتومة عايشة فوق الرصيف
لا طايلة تمسك حلم
ولا طايلة حتى رغيف
فوق مركبة منهوبة
ضاع من عنيها الشوف
في جزيرة منكوبة
ضاعت من موانيها الحروف
حاجات كتير جوة مرايتنا
محتاجة تلبس بدلة الإعدام
ونرجع تاني ورد مش مقطوف
ليست هناك تعليقات:
إرسال تعليق