ذكريات عمر
.................
يا ضل عمري نبض قلبك
فيا روح
يكفيني عندي ضحكتك
بتطيب جروح
مش بس سندي وعزوتي
أنت حياتي ودنيتي
دمك بيروي شمعتي
جوايا ضي ..
واللمسه من أيدك هنا
حاسه إني طايره
في السما وغرامنا حي
بستانا ورد الليل طرح فرع بشوقنا طوق فرح
بقى لينا ذكرى ..
ياما عيشنا أمس
وكان لنا ولسه بكره
زارعين في
أحضانا الأمل
أغصانه فارده ..
مع كل فجر بتبتسم
في عيونا ورده
وأنا مهما عمري
أديته ليك وعمر تاني
ما تغلى أبدا يوم عليك
روحي وكياني
ده كفايه أحس حنان
كاسيني بين أيديك والخوف عليا لما
أغيب ما تنام عينيك
بحلم وبدعي يكون فراقي قبل منك
معقوله روحي تعيش وحيده بعيده عنك
وأنا قلبي دقاته وهناه
عايش بدمك ..
يا عمري وياه إبتدأ
ويديم لي ضله ما أنتهى
فوق عمره عمر
ويعيش في حضني طير
أمل في سمايا حر
بقلم .. صبري رسلان
ليست هناك تعليقات:
إرسال تعليق