الحلم
من يومين صليت ركعتين.
و نمت فحلمت......
حلمت حلم جميل.
حلمت إني روحت فلسطين .
و قابلت هناك صلاح الدين.
بيلف بحصان فى القدس .
و حيفا و عكا وغزه و رام الله .
و من بئر السبع لحد جنين .
حلمت إن مفيش إستعمار.
ولا فيه شهداء .....
و لا فيه دمار ......
حلمت إن الأقصى رجع .
و غزه بقت جنة .
مبقاش فيها نار .
حلمت إن البيوت .
إتبنت من جديد .
و إن المدارس إتملت.
و الجوامع و الكنايس.
بتحتفل بالعهد الجديد .
حلمت إن أطفال الحجارة
أصبحو رجالة ......
و إن الحجارة إتجمعت .
و إتكونت تمثال دهب .
لطفل بيصرخ فى وش.
عدو خسيس ميعرفش.
غير الغدر و التهديد .. .
حلمت إن السلاح إختفى .
و الدم إلي كان على الأرض .
رجع من تاني للوريد .
و إختفى من على الجدار .
كلمة فلان ....شهيد .
حلمت إن الدرة عايش.
وسطنا .......
حاضن أبوه يوم الزفاف .
و أحمد ياسين شاهد .
على فرحه وإحنا بنهنيه
من قلبنا.......
رغم إعتذارنا و إنشغالنا .
رغم إن الدعوة أصلا" .
مكتوبة بإسمنا. .....
و فجأة صحيت من النوم.
تعبان مهموم .......
وبصرخ و بقول .....
سامحينى يا فلسطين .
أنا كنت نايم و بحلم .
حلم جميل ....
و أنا لما بنام بيبقى .
نومي ثقيل....
كلمات
هانى فتوح
ليست هناك تعليقات:
إرسال تعليق