بين الفُرات والنيل.........
إللي كان ف الدم مِتوّصّل
بشريان الفُرات والنيل
قلبي عليك يا وطن
يا صاحب الأمجاد
يامِأّصّل القناديل
ضحكة ولاد عاشقين
كل إللي بيعيدهُ الوداد
للصُحبه والحكايات
فرعين حنين أعياد
من دِجلهّ مّلفوفهّ
لحد طرح القمر
عناوينها محدوفه
بأعشقها م الكوفه
ولحد قصر النيل
يا طّله ملهوفه
تنسج خيوط الصبح
م الفرح والمواويل
وتعّدي مكسوفه
قلبي عليك يا وطن
بات إللي فات ملامات
عّدابهُ جرح إتركن
من غير دليل يطويه
يا حلم عايش بيه
أِوصل نجوم تناديه
تشبك إديه الأمل
وتحّني ليل غناويه
أنا بيه عطشت إزاي
وإزاي غلّبني سُكات
وإتحّمل الأوجاع
وإتأّمل المسافات
لا بينا خاين باع
ولا فجر منكِ ضاع
يا مشّبكين ف إدين
غنوة وفا الغاليين
إحنا اللي سودنا التاريخ
ملناش هناك أتباع
وحياتكِ الفراريخ
ليطّيبوا الأوجاع
وح يوصلوا الجّيات
حبلين عنين النيل
ب الضّي فيك يا فُرات
وآهات غُناوي نايات
ح تلف تشجي بلاد
متفكّريش إن عاد
جرح الآهات إنكِ
ع الشط طرح سواد
يسكُن علي ننِك
وعنين سنين أنات
ح تهّدد العواد
أو لّما يحبي عناد
يقدر علي الحّبات
الليل بإيدهُ فُرات
من دِجلهّ جاي للنيل
يحضن حنين الطين
ويخّضر العناوين
إمتي الفُؤاد إرتوي
من شّق دمعة عين
والنيل دليلهُ الهوا
ومحبة العاشقين
وحياة كاسات الدوا
والخُضرّه والبساتين
م يزين أنين إنكّوي
وإتحّم بيه صُبحكِ
إلآ وكنا سّوا
ف العشق نار تكويه
قادرين علي فّرحكِ
وإن كان علي جرحكِ
بُكره إللي جاي يطويه
بُكره اللي جاي يا وطن
يحضن أمان لياليه
ونّعلق المناديل
والزينه تشجينا
من ضوء عنيك يا وطن
والفرحة تسقينا....!!!
شعر
صلاح محمود عفيفى
ليست هناك تعليقات:
إرسال تعليق