وينك يا ليلى لوين رايحة وهرباني
فرائق عتم عيوني وبالنعس رماني
وشفافي اسودت والبرد نخور عضامي
وروحي شردت وغابت مع النسمات
خافت عليكي من دياب كاسرة وجوعاني
عودي يا ليلى الاحراش كلا دياب
ووحوش ونمورة وكلاب كلباني
ووديان وانهر وجرود كلا خشاب
ان ما رجعت ما بيبقى منك ريش
وما حدا يخبر ولا يسأل التاني
صرلي عمر نايم عل البواب
ناطر رجوعك با اعز خلاني
عا فرقتك قلبي فحم وداب
وتختخو لخشاب وانهد البيت
ونامت الحيطان وتخلعوا لبواب
ان عدت با ليلى بعد طول غياب
البيت مهجور ومخلعة الابواب
والدلف يندهلك شوفي الجواب
حبيبك غاب وسلمني المفتاح
ونام تحت الشير وغطاه التراب
وداع
د نبيل غوش
...........
.........
ليست هناك تعليقات:
إرسال تعليق