ليّ بتخدع وحُكـــمك جايــر
ما بَرجع ليك تاني وأخلِـــص
تـــــنفذ طلبك زي ما دايــــر
ديمة بتجهل ريدي تهِـــــينو
تخــــلي القلب الرادك حايـر
يا ظــالم أرجــوك خلــــينـي
أعيش دنيايّ بـِــشكل مغـاير
ما عارف إيـــــه غير طبعــك
علــــم قلبك يِصـــبح زايــف
لا بتراعِي مشــــــاعر أبــــداً
عامل نفـــــــسك زي الشايف
قلبي الـــرادك فيك مـــتردد
من أفعـــــالك أصبـح خايف
وما قدّرك معـــــــزتي ليـــك
مليت القلب جروح ونزايّـف
روح خــــليني أعيد أنفاسي
أشوف غيرك يفـــهني أحبو
نعيش دنيتنا بكل مســـاواة
يفهم قلبي وأفهــم قـــــلبو
لا يظلمني ومـا يخدعــــني
زولاً صادق عــارف ربــــــو
أطــلب يدو نتوج ريــــــدنا
يمسك يدي وأمسك يــــدو
ونبدأ حياتنا نعيـــــشا هنية
وأنسى الماضي المظلم داك
حبك يبقى شتات وســراب
وزي ما عليّ قِسيت بنسـاك
أوعَ تفكر لسه بحبــــــــــك
ولا تِتِخيل يوم أطــــــراك
هسِي بُدونك قلبي سعـــيد
ما بيِتــــــذكر يوم حبـــــاك
قصيدتي/ مزيّف أصلاً
بقلمي/ عثمان محمد
ليست هناك تعليقات:
إرسال تعليق