انتصرنا وكنا لازم ننتصر
...........علي الطغاة المجرمين
إللي سرقوا الأرض منا
...........في لحظة كنا غفلانين
بعد نكسة ووكسة مرة
..........انكتبت لنا علي الجبين
راحت فيها منا سينا
..........شهور وستة من السنين
وصار الجهاد مكتوب علينا
..........علشان بلدنا فرض عين
وسهرنا بنعد الليالي
...............والقمر حيران حزين
والنجوم علي الكتف تبكي
.......من الشوق للعبور والحنين
وانشغلنا سنين نفكرفي
... هدم ساتر والعساكر مجهدين
وجهزنا المعابر والجندي
.......صابر وكان على سره أمين
والنسور طاروا في لحظة
........وحطموا الحصن الحصين
والصواريخ انطلقت بفرحة
................تفجر بارليف المتين
والمدافع علي الإنتقام
...............أقسمت مليون يمين
والله أكبر من الحناجرأحاطت
........بالعدو من الشمال واليمين
وارتفع علم الكنانة
...........وانكتب لنا النصر المبين
وتحيا مصر الحرة دايما
..........منصورة على مر السنين
...........مع تحيات..................
.......محمد جمال فايد............
.....جمهورية مصر العربية.......
كفرشبرا زنجي الباجور منوفية
ليست هناك تعليقات:
إرسال تعليق