زماني
اه يانا من زماني
كل حاجة فيك و حشاني
زمن الأبيض وا لأسود
وما كانش فيه
غش بالألوان
بيوت كانت من طين
لكن القلوب دهب
ومليانه حب و حنين
هنا خالتي ام محمد
وهناك خالتي ام جرجس
قاعدين مع أمي
علي السطح متشمسين
والبت حنان والبت جيهان
مع أختي في الدار متجمعين
وانا وأصحابي قاعدين
ومستنيين
فطيره حلوه مشلتته
بالزبده البلدي يا محسنين
والضحكه حلوه صافيه
مع أن الرجول حافيه
ولا نت ولا نتين
اتغيرتي كتير يادنيا
العيب فيكي ولا في مين
القلوب بقت قاسيه
ووشوش مرسوم عليها
غش السنين
والضحكه بقت بهتانه
وعيون مش مليانه
مع ان الخير كتير
زماني
مشتاق لرجوعك من تاني
يا زماني
يا اللي كل حاجه فيك
وحشاني
بقلم
احمد محمود
من ديوان حبة رتوش
ليست هناك تعليقات:
إرسال تعليق