عايزاني
عايزاني آقول ان انا بهواكي
وعايزاني اعيش العمر معاكي
لو كنتي فعلا حبتيني
كان الكلام تلاقيه ف عيني
ويكونوا عمري وروحي فداكي
عايزاني اعيش ازاي في هواكي
عايزاني اعيش في غرامك وانسي
مين اللي كان غلي التاني بيأسي
تتحبي أه .... وتحبي لاه
سفينتي قلبك مش ليها مرسي
حبي وعيشي مع اي حد
لا ليكي قلبي هايكون بجد
عايزاني اعد النجوم ف ليلك
وانا اللي شوفت وأسيت من ويلك
فيكي الجراح ... ليها براح
عمري ما هشرب تاني من نيلك
شوفي طريقك وامشيه من غيري
مش بين ايديكي هايكون مصيري
كلمة بقولها وخلاص ممنوع
حتي الزعل ما بنا مرفوع
عشرة كانت ... بس هانت
صوت الأنين جوايا مسموع
عيشي ودايما بصي ف مرايتك
هي البدايه وبيها نهايتك
الشاعر الغنائي / عرفات فرج الله بلبل
ليست هناك تعليقات:
إرسال تعليق