ليه بقينا نخاف
من بكره
ليه بطلنا نحب
وبقينا نكره
ليه بدلنا أحلامنا
بألف كابوس
ليه الدنيا بتطحن فينا
بألف قادوس
ليه بنخنق بعضينا
وبأدينا بندوس
ليه كل احلامنا
بقت الفلوس
يا أخي ملعون أبوها
وعليها برجلينا ندوس
علشان ترجع ألنفوس
ألنفوس ألطيبه الهاديه
والقلوب ألصافيه الناديه
ونرجع نحب ألخير لبعضينا
ولقمه بسيطه تشبعنا
وفرحه حلوه تجمعنا
راحت فين السهره
في ليله قمره
مع ركوة نار
وشوية شاي في كبايه
تنزل جوفي والطعم دمار
وألليل بيحلي بلمتنا
والدنيا عمار
وعيونا تنام فرحانه
وألجار للجار
الزمن الطيب لازم يرجع
يا شلة أشرار
وكفايه الخوف من بكره
دا ألدنيا عمار
احمد محمود
من ديوان سكة العاشقين
ليست هناك تعليقات:
إرسال تعليق