بعيدة حبيبتي
بقلمي يحيى حسين
بعيدة واقفة هناك هي
بتنده علي إلحقني
انا وحدي هنا تايهة
وبحر الدنيا غرقني
حبيبي ما قادرة أستحمل
أنا مت خلاص صدقني
حبيبتي بيا بتستنجد
وفرض عليا أنجدها
فرض بأنفاسي أحييها
وأرد الدم لوريدها
فرض أقول لها قومي
وبإيدي آخد أنا بإديها
بس يا ناس أنا خسارة
حبيس الدنيا وحيطانها
تمللي تايه في مراكبها
وعمري ما كنت قبطانها
جناح مكسور وأسرابي
ما شافت رمل شطآنها
ولما الدنيا تراضيني
تغطي وشي بقطرانها
أكيد حبيبتي غلطانة
وكمان أكيد أنا غلطان
رسمنا الحلم في قلوبنا
وأخدنا الصورة بالأحضان
خضرة وضلة طيور أغصان
نسمة وبحر رمال شطآن
صحبة وعشرة حدود أوطان
بس نسينا يا حبيبتي
أن الدنيا حاكمها غيلان
خنقوا بكرة وأحلامنا
وسرقوا الصورة والالوان
يحيى حسين 2 يونيو 2020
ليست هناك تعليقات:
إرسال تعليق