تؤلمني الشكوى ...شعر عامي
لا تنظري كتير بوجهي
انت عيونك عم تحكي
شو بدي قلك يا نوار
وعدتيني تروحي مشوار
رحتي وما عاد رجعتي
قلتيلي اهلي بالدار
تركتي البيت وما خفتي
شكيتك للحب وأسراره
ونطرتك عاراس الحارة
شافوني كل الجيران
ياويلي مللا جرصة
وانتي مدري وين رحتي
شكيتك للقلب المجروح
مهما صار وشو ماصار
بدي حبك حب كبار
يابضرب راسي بمسمار
وخلي عيونك بعدي تشتي
شكيتك لنبع الفوار
ونطرتك عامياتو
راح نهار وبعدو نهار
وبعدي ناطر هالمشوار
وانتي لسا ما ارجعتي
بدي شوفك يانور
رضيتي ولا ما رضيتي
بقلبي تنامي وما تفيقي
وبعدا بتصيري مرتي
جرجس لفلوف سورية
ملاحظة.......مرتي يعني سيدتي بالارامية....مر يعني سيد وتي ياء المخاطب.....سيدتي
ليست هناك تعليقات:
إرسال تعليق