بكلم حالي ( العامية المصرية )
ليه يا ليل العاشقين تعبتني والدمع مالي العين
فايتني للاهات والانين متخلينا كده سهرانين
متسبنيش وحدي للانين والقلب تعبان وحيران
كفاية ترمي ف سهامك وانا عايش بعدك الحرمان
واتذكر اللي فات بينا من سنين
*******
خليني اشوفك علشان يروح خوفي وخوفك
تعال بص ف عنيا وبلاش بتتدارى عني بكسوفك
يا ريت تخلي روحي عندك وتسيب العين تشوفك
انت عارف أيه هو الحنين وايه حال المتغربين
*******
ليه يا ليل العاشقين تعبتني والدمع مالي العين
*******
متخليش بيني وبينك مسافات وحدود
كفايه نقضي الايام هجر وبعاد وصدود
وسهر ف الليل وبينا عناد وبلاد سدود
وانا بكلم حالي في الليل زي المجانين
*******
ليه يا ليل العاشقين تعبتني والدمع مالي العين
*******
دلعني وقولي عن حبك كمان وكمان
تعالا يا غرامي اللي عشتو من زمان
واخذني لفين وتسيبني ليه للحرمان
ليه كده دي ذكراك وهواك عندي باقيين
*******
ليه يا ليل العاشقين تعبتني والدمع مالي العين
*******
كفاية بعاد واسية اصلي تعبت من هجرك ليا
اناجي خيالك وانت مبتردش عليا
ليه كده امال مين اللي حاسس فيا
بقينا بعدك انا وقلبي ف الدنيا تايهين
*******
ليه يا ليل العاشقين تعبتني والدمع مالي العين
فايتني للاهات والانين متخلينا كده سهرانين
*******
بقلمي.... محمد الباشا /العراق
ليست هناك تعليقات:
إرسال تعليق