لما السعادة
لما السعادة ع القلب بتفوت
من باب واسع بالعمر ما تموت
متل روحي العايشة فيي
بتمدني بالقوة متل القوت
وبالحب في إلا لمسات سحرية
بتسيرك بالإحساس متل الربوت
المحبة إلا صبغة من الإلوهية
بتعمر الكون وبتبني البيوت
ولما المحبة تكون روحية
بتكسب قداسة ورهبة اللاهوت
وتقتات متل الخبز يومية
تقويك وتزيد بقوتك جبروت
وإذا بتموت فيك المعنوية
بتفجر كانا لغم موقوت
وتقلب شرور الفيك حنية
تخليك عايش دنية الأحلام
وتؤمن بأنو الحب مابيموت
.......
بقلمي الشاعر عيسى وسوف باظة
ليست هناك تعليقات:
إرسال تعليق