متغبيش يا شمس عمري ......... متغبيش وتزيدي مري
إوعي يوم عني تغيبي ...... متغبيش
متغبيش يا شمس حبي ......... عن حياتي وعن سنيني
متغبيش خليكي جنبي ..... داوي جرحي وصوت انيني
متغبيش وتسيبي فيا ..... جرح عمره يبقي ليا
إوعي يوم عني تغيبي ........ متغبيش
حزن كل الدنيا عندي .............. مش كفايا لو ف بعدك
والحياه والدنيا عندي ................ إنتي لا قبلك وبعدك
ياللي حبك نبض قلبي ... إنتي عندي بعد ربي
إوعي يوم عني تغيبي ....... متغبيش
ليه تغيبي لحظه عني ............ وبإيديكي تطفي شمعي
قولتي ليا إنتي مني ............ ليه تبكي ف عيني دمعي
أغلي من روحي ونفسي ... بيكي بنسي كل نفسي
إوعي يوم عني تغيبي ........ متغبيش
روحي رايحه لو تروحي ... ومش هعيش غير بس بيكي
روحي تبكيها جروحي ................. لو تهون ثانيا عليكي
عمري كله بين إيديكي ..... نبض قلبي بيناديكي
إوعي يوم عني تغيبي ....... متغبيش
الشاعر الغنائي / عرفات فرج الله بلبل
ليست هناك تعليقات:
إرسال تعليق