إحساس جميل حاسّيتُه لما شُفتّها
كانت مفاجأة ما شُفت أبداً زيّها
القلب دق والعيون إتبسّمت
حاسيت بحاجه غريبة فعلاً وقتها
كانت بجد بالنسبة ليّا أحلى صدفة
لمّا بعيوني لمحتّها ولاقيتها واقفة
كان كلي شوق وإشتياق وحنين ولهفة
كان نفسي بس أروح وأقرّب منّها
إحساس جميل حاسّيته لما شفتها
ممكن أكون جايز ببالغ في السعادة
بس السعادة فى قُربها ماتتوصفش
كل لمّا أشوفها بَبتِسم وافرح زيادة
وأزعل قوي لو عدّى يوم وماتتِصِلش
بس النهاردة كان شعوري مختلف
شعور لا يمكن يتحكي أو يتوصِف
حاسس بلحن جديد في قلبي بيتعزف
يتغنى وايّا كل كلمة كتبتها
إحساس جميل حاسيته لمّا شفتها
بقلمي عبدالحميد وهبه
ليست هناك تعليقات:
إرسال تعليق