كتير صدًقني عشت أستّنى في قرارك
ف يعني لسه ما آنشي وحان الوقت ...؟
تبوحلي باللي حاسّه وكل أسرارك
وتكسر أي خوف وأي حاجز صمت
وترضى علّيا وتقوللي بقى وتِعلن
بإن العشق من قلبك كده إتمكّن
خلاص مابقاش فيه وقت لجايز او يمكن
ولازم يعني أنا وأنت نبدأ عمرنا دلوقت
سنين فاتت عليك مستني في مكانك
وعايش جوة دايرة كبيرة مقفولة
وعايش بس ميت جوّه أحزانك
دي حاجة ماهيش بجد يعني معقولة
فلازم للحياة تخرج وتتحرر
تشوف وتعيش حياتك تاني وتقرر
لأن العمر لو عدّي ف صعب بجد يتكرر
لأن أكيد مشاعرنا حقيقي منّا مسئولة
قرارك بالرجوع للحب مش بالصعب
ده شئ محتاج لصبر بس وعزيمة
وإنّك لو صحيح عايز بجد تحب
لابد إنك تكون رافض لأي كسر وهزيمة
وتبدأ من جديد رحلة حياة تانية
أساسها الحب ماتضّيعشي لو ثانية
لأن الثانية في الحب دي بالدنيا
وإن الدنيا من غير حب ملهاش طعم ولا قيمة
بقلمي عبدالحميد وهبه
ليست هناك تعليقات:
إرسال تعليق