سطر بحروفك
سطر بحروفك على قلبى من غير مواعيد
هتلاقى ايديك ويا حروفه
بترسم لي العيد
وان قلبى سرح ف هواك
مره
او راح لبعيد
راح تبقى مكانه و عنوانه
وحبك ح يزيد
وان فاح ح يفوح دايما عطره و يضئ العين
سطر بحروفك فوق قلبى واكتب ديوانين
نسيني بحبك دنيتنا
وانا مين او فين
واكتب ع السما اسمي وأسمك
زي القمرين
مشتاقه يانن العين مره تسعد خدين
بيجينا العيد بهلال واحد و هلالك لو بأن قدامي بيجيب ف عيدين
دا الروح سبقتنا ونقشتنا اجمل حبيبين
اعزف مقطوعة يدوب قلبي
بين شوق و حنين
ازرع جنتنا واوقاتنا
ورد ورياحين
حن بنظرات على ليل قلبي
المشتاق للشمس
نسيني الهم اللي انا شيلته
ف سنيني و امس
خليني ادوب من كام لمسة
من لفتة وهمس
مش عاوزة من الدنيا اماني
غيرك انت وبس
ان كان على قلبى بيفرشلك جنة عاشقين
وان كان نار عشقك
انا وقلبي احنا موافقين
دا القلب اتجرح وباريدك
تنقش موال
وان كان على موتى ف تنهيدك
فأنا موتى حلال
. بقلم
ملكه أبو الدهب
ليست هناك تعليقات:
إرسال تعليق