شعر سعيد حمدى
★★★★★
ارضى الحبلى بدم شتيله
وغزه حلفت من دى الليله
لا نثر وافتل من ليل قهرى
حبل النصر بألف جديله
★★★★★
وإياك تدارى يا زيتون
وتتوه عن غدر بني صهيون
جابوه وتاريخه الشوم قدامه
وبنوله حصون من اوهامه
كان متهيأله يعيش مأمون
★★★★★
ما هو دان كما ديان
وشارون ابى ايبان
وجولد مائير اخت شامير
كلهم ما عاشوا لحظه امان
★★★★★
يا زيتون سنين وصمودك كده
ياما عدت عليك جنازير العدآ
تعجنك فى تراب رام الله
وبعون من الله
تصبح تبوس الندى
★★★★★
يا شجر واثق من خلوده
عمر القدس من عمر جدوده
جذورك سارحه فى عروق الارض
وإن قطعوا البرعم:
جدرك يقوم بتجديده
★★★★★
ياورق الشجر على الارض تحكى حكايه
كأنك دموع سالت من عيون الصبايا
وإن مات فى حجرك كام ولد
عمرها ما تكون النهايه
★★★★★
ياشجر راضع دم نازف شهيده
مات الولد وزيتونه طارح فى ايده
نفض الضحى جنحاته
بدرت بطون الامهات اطفال
حالفين يحيوا الشهيد
بالتار في يوم عيده
★★★★★
شعر "سعيد حمدى محمد
7/1/2024
ليست هناك تعليقات:
إرسال تعليق