بنت محمد ابراهيم مخلوف
تبقي ست الكل أمي
بنت العرب والقبايل
وللدنيا أصلها معروف
لما تتكلم كلامها سيوف
مكان ما تنزل تقطع
وتقول أنا بنت ابو مخلوف
اتربينا في حضنها
وعمرنا ما عرفنا الخوف
نمشي نافخين صدورنا
وفي المجالس
نتقابل بالزمر والدفوف
علمتنا الشرف والكرامة
ونعمل الطيب والمعروف
وياسلام لما اضحك معاها
واقول لها بنت بارم ديلة
تقول اخرص انا بنت ابو مخلوف
اتغربت سنين طويلة
ولحضنها راجع ملهوف
سامحيني ياست الكل
انا كنت زي الأعمي
وفي حضنك بقيت بشوف
شبيك لبيك عبدك وبين ايديك
وخدام تراب رجليك
يسلم لنا عمرك
وتسلم لنا عنيكي
ياست الكل ياطاهرة
يابنت ابو مخلوف
رحمة الله عليك ياأغلي البشر
بقلم
احمد محمود
ليست هناك تعليقات:
إرسال تعليق