تبقي أمي التانية
وليه لا
هي اللي مربياني
من يوم ما وعيت
علي. الدنيا
وانا قد كدا
هي اللي
مأكلاني ومشرباني
محمياني وملبساني
والله بتكلم. جد
هي وأمي
غلاوتهم واحدة
هما الأتنين
بس كدا كتير عليه
والله كتير عليه
أدفن أمي مرتين
طيب لما اكون
زعلان ومخنوق
اروح لمين تاني
ياحضناني وضماني
ومطبطبة عليه
ومهمونة الدنيا عليه
بموتك ياغالية
وجعتي قلبي
وهديتي كياني
أمانة ياتراب القبر
دي الغالية جيالك
خليك حنين عليها. قوي
ومنها خد. بالك
وأمانة عليكي ياغالية
بلغي أمي السلام
والدنيا من بعدكم
بقت عليها السلام
وعرفيها
اني بقيت يتيم
وبقيت وحيد
ومليش حبيب تاني
والعين تبكي عليكي دم
كل عام وري التاني
ابنك وحبيبك
بقلم
احمد محمود
ليست هناك تعليقات:
إرسال تعليق