جربت تحب تاني
غير حبك الأولاني
ولا تالت ولا رابع
حب النحانيح بتوع البندر
جربت الحب الجواني
اللي بياكل قلبك اكلان
ويعضعض فيها أطراف كبدك
وتبات الليل كدا سهران
جربت تحب علي نفسك
وتعمل فيها اللي ف نفسك
والأخر تقول أنا فكهاني
جربت في حبك. تبقي اناني
وتكون الجلاد والقاضي
وكمان بتكون السجان
ولا مهجة خلاص غمت عينك
وقفلت باب قلبك من جوه
جربت تخون قلب حبيبتك
وتعشق عشق براني
جربت حضن غير حضن حبيبتك
في سهرة ف ليلة قمراية
جربت كل اللي قولت عليه
مع مهجة حبيبتي ياواد عمي
لكن سابتني وهربت ياعلوان
انساها خلاص يا واد عمي
ولا توجع قلبك من تاني
وأنا ماشي عاد
يابوووووووي
بقلم
احمد محمود
من ديوان بنا حروف
ليست هناك تعليقات:
إرسال تعليق