***
ليه دايما في لحظة يا ناس
الدنيا بتضلم؟
وليه دايما؟ في لحظة حزن
الجرح بيعلم
وليه؟ الفرحة تمر جنبك
لا بتهدي ولا تسلم
وليه؟ حروفي منقوشة بأسمك
ولا انت تتكلم..
بسألك:
ليه دايما تسيئ الظن بكلامي؟
وليه برضه تمشي عكس ايامي؟
ولما تزرعي عايزة الطرح في ثواني!!
وانا دايما بصبر لحد مايجي اواني
شوفي... حقولك:
سوء الظن بيبني دايما في العلاقة جدار
وعكس اتجاة الريح بيولد في السكة شرار
والحصاد قبل الأوان بيبقى طعمه مرار
فهدي جدار.. وطفي شرار.؟ وبلاها مرار
وبلاش ياحبيبتي تبني مابينا ايها اسوار
مصطفى عبد النبى
ليست هناك تعليقات:
إرسال تعليق