خلاص قررت أعمل ندل
وأنهي القصة بإيديا
بدال يعني ده أسهل حل
هجيب العيب أنا فيا
خلاص قررت أتنازل
عن الإخلاص وع المبدأ
وهبعد يعني وأتجاهل
وبالخِسة خلاص هَبدأ
نهاية القصة هكتبها
وصورتي الحلوة هقلبها
وفرحة عمري هشطبها
وأغمّي قلبي وعينيا
خلاص قررت أعمل ندل
وأنهي القصة بإيديا
مادام قررت أعمل ندل
خلاص في كلامي مش راجع
كمان هظهر قصاد الكل
مانيش مخدوع هَبان خادع
وهتحوّل كمان لشيطان
وأعيش مكروه في كل مكان
وقدام الجميع إنت
هتبقى المخلص الغلبان
وعِيش بقى يعني من بَعدي
ولا تفكّر بقى ف بُعدي
وقلبي لو وقف ضدي
هدوسه أكيد برجليا
خلاص قررت أعمل ندل
وأنهي القصة بإيديا
بقلمي عبدالحميد وهبه
ليست هناك تعليقات:
إرسال تعليق