.................
تاه مني عمري في ثوب وجع
مغصوبه أقاسي
من ثوب لثوب الفرح تاه
ضاق بيه مقاسي
والضحكه بعديت قد أيه
ولا عدت فاكره
والحلم ضاع عنواني بيه
ولا بينا ذكرى
جوايا ليل ولا عيشتهوش
لسنين بنادي
والقلب لفراقه بكى
بآهات عذابي
ليه فاتني أدور ع الأمان
والليل وآخرة
وحارمني أحضن ود كان
والشوق وهمسه
أرسم له على كفي الأمل
هيرد تاني
وأحن وأغزل ثوب سماح بدموع أماني
وأنسى اللي فات ومكان
ما بات في حضن غيري
وأفرد له ألوان فرحتي
ويعود لي طيري
هجر وخصام وقالولي مات
إحساسه بيكي
وباع خلاص حيطان ودار
ولا عاد شاريكي
لساكي عايشه
على أمل إنه يجيكي
وفين وفين هنعد ياما
وهجره ليكي
فرطتي في كرامتك سنين
ياما قل بيكي
ولسه برضه مكدبه
نظرات عينيكي
عقد الغرام وهمه إنفرط
ياما قال حكاوي
كام مره باع كفياه خداع
وكلام غناوي
وجراح وآه فى حداد هواه
ما أنت اللي غاوي
إمتى تفوق من اللي إنت فيه
إن كنت ناوي
بقلم .. صبري رسلان
ليست هناك تعليقات:
إرسال تعليق