العشق دايما جوايا
كبناية بباب مقفول
وأنا اللي في الغرام
عاشق و كمان مقتول
قتيل الغرام يا ناس
وقلبي مليان احساس
لكن الكل ظلموني
وقلبي صبح موجوع
عشقت البيضة و السمرة
والخمرية دي و الشقرة
وسهرت ليالي مع القمرة
مخدتش غير الم ودموع
ابويا قالي كلام موزون
الحب دا اصلة رباني
بيجي تملي مع العشرة
غير كده ندم ورجوع
ضربت راسي بعرض الحيط
وكل يوم شغال طنطيت
وعملت فيها ابو النطيت
يسامحني اللي رباني
كل يوم معايا حكاية
وكمان دي قصة ورواية
ومن الغرام ياناس وخلاص
قلبي بالغرام كده مفتون
سنين مرت علي دا الحال
ابص يمين وابص شمال
الاقيهم دايما حواليه
شهريار و العشق جنون
لحد ما عشقت جنية
مع العشرة و الحنية
قلبي طب فيها و مات
وشهيد الغرام ياناس مقتول
بقلم
احمد محمود
من ديوان سكة العاشقين
ليست هناك تعليقات:
إرسال تعليق