مش بمزاجَك إني أفتحلَك
وأكون طول الوقت مُتاحلَك
لو بطريقتك دي هتفكّر
صدّقني أكيد مش هسمحلَك
وأمّا تكون إنت مش فاضي
بالنسبالك يبقى ده عادي
وأما أكون مشغول أنا عنك
تبقى عليا أكيد مش راضي
لأ صدّقني ده يبقى كتير
بُعد وقسوة وسوء تقدير
نبعد يعني بدون تفسير
ده أريحلي أكيد واريحلك
مش بمزاجك إني أفتحلك
ياما فضِلت أستنظر فيك
مازعِلتش وماجِتشي عليك
كنت بقدّر كل ظروفك
علشان كنت بجد شاريك
وإنت لظروفي ماقدّرتش
و ف زعلي حتى مافكّرتش
كان م الأول لازم تعرف
لظروفي بجد أنا ما إختّرتش
مش بمزاجك إنك تصدر
حكم عليا بدون ما تفكّر
أو إنك تحكم على قلبي
إنه عليك كده يعني إتغيّر
مش بمزاجك تبعد عني
وتغيب ياما ولا تطمّني
وأما ظروفك بقى تسمحلك
تلاقيني وقت ما تحتاجني
بقلمي عبدالحميد وهبه
ليست هناك تعليقات:
إرسال تعليق