قلبي عاش وياك حكايتُه
عاش بإخلاص وبأمانة
النتيجة إنك كافئتُه
بالمذّلة وبالمهانة
قلبي اللي ليك فتحتُه
جيت عليه ياما وظلمتُه
م النهاردة خلاص قفلتُه
قلبي مُغلق للصيانة
قلبي عاش وياك حكايته
عاش بإخلاص وبأمانة
قلبي عاش العمر عادي
عاش وساكت جوه مني
كان بيتحمّل وراضي
ماشتكاش ولا مرة يعني
غير أكيد بعد أمّا فاضت
والألام جواته زادت
كل نبضة في قلبي نادت
رافضة توصل للخيانة
قلبي عاش وياك حكايتُه
عاش بإخلاص وبأمانة
مستحيل هفضل أعاني
والقرار راح أطّبّقُه
مش هأسمح حد تاني
يهين في قلبي ويخنُقُه
لو هتتغيّر نهايتُه
أو تطول فترة صيانتُه
كان لابد يصون كرامتُه
ويبقى لُه نفس المكانة
قلبي عاش وياك حكايتُه
عاش بإخلاص وبأمانة
بقلمي عبدالحميد وهبه
ليست هناك تعليقات:
إرسال تعليق