حِلمَك مش هو اللي تشوفه دايماً في منامك
حِلمَك الحاجة اللي تملّي بتحرِمك النوم
علشان يتحقق أو يكبر دايماً قُدامك
كان لازم يعني أكيد منه تنهض وتقوم
أحلامنا عشان نقدر يعني إنَّا نحققها
لازم في الأول نؤمن بيها أو نصدّقها
أحلام عِشناها كتير ووصلنا إننا نِعشقها
لٓكن في الواقع كان صعب تفضل وتدوم
حِلمك مش هو اللي تشوفه دايماً في منامك
حِلمك الحاجة اللي تملّي بتحرمك النوم
الحاجة اللي تشوفها في نومك أضغاث أحلام
حتى إنِِّ فْضِلت تشوفها أكيد لسنين قُدام
لٓكنّ الحِلم اللي بجد يخلّيك مَتنامشي
لو شُفت عشانه كِتير م الويل وآهات وألام
لو كنت ناويت توصل حِلمك أو فعلاً عايز
حاول تتخلّص من كلمة ممكن أو جايز
خلّيك مع كلمة هَعملها لو إيه اللي هيحصل
وقتها راح تصبح صدّقني الشخص الفايز
بقلمي عبدالحميد وهبه
ليست هناك تعليقات:
إرسال تعليق