طول عمري مسجون مع قلبي
مربوط من رجلي في حباله
والقلب يسوقني نروح نمشي
قال شارد إيه عنه غزاله
والقلب بنبضه ما بينامشي
يقلقني ويحكي لي أماله
عن حبه ونبضه وأشواقه
وعجيبة دا كله في خياله
يخدني في برده وفي شرده
مغروس من وسطي في رماله
في متاهة قلبي أنا منفي
وحبيبه ما عمره بيوم جاله
مجنون بالحب وحنينه
أنا خايف منه دي أحواله
لا تطمن مؤمن ولا كافر
هندوس اوسيخ او عذاله
ما حد يقوله يبعد عني
ما تقولوا لعمه او خاله
محموم من حبه مجنني
وعايزني أكتب أزجاله
يحيى حسين القاهرة
8 مايو 2025
ليست هناك تعليقات:
إرسال تعليق