خايف
النوم لعيوني بيجافي
مش قادر وما بعرف انام
خايف ابني يصبح حافي
حرموه حتى من الأحلام
إنچي بغاشة بنت الباشا
وابن جنايني الحلم كبيره
شاكوش كماشة فحم وماشه
ده تعليمه وده تقديره
ابن العبد خدام سيده
وسيده ان شتمه يبقى حليم
يسرق عيشه يمص وريده
يفرق ايه ما هو التعليم
ابن الصفوة علمين ومارينا
مصروف جيبه يعدي ألوف
لاعب كورة فنان سيما
مطرب فاشل بلطجي معروف
واحنا كفاية علينا كفوف
كف بيضرب كف يسأف
كف المخبر اكيد معروف
وكف الحاجة ما ابوها مسأف
يحيى حسين القاهرة
3 سبتمبر 2024
يسأف بمعني يصفق
مسأف بمعنى مثقف
ليست هناك تعليقات:
إرسال تعليق