ساعة يبقى حبيب
ساعة يبقى حبيب وألقاه جمبي
وساعات بيغيب ويسيب قلبي
ساعة يبقى صريح سكة ودوغري
ويبوح بغرامي كده وحبي
وساعات بيداري وأقول عجبي
وكأن الشوق سر وحربي
ساعة يسكن ف سمايا يطيربي
وساعات يبعد اوي عن سربي
ساعة يبقى كلامه يا ناس عربي
وساعات يرطن بكلام غربي
والنبي رسيني معاك على بر
مش كل التقل يا واد صنعة
لو قصدك تتقل دي ملاوعة
وبدل ما تئيد ف هواك شمعة
هتسيب ف عنيك شكوى و دمعة
والروح وياك هتعيش ضايعة
هتخلي النار جواك ترعى
زي البركان تحدف ولعه
حاجي ع اللي هواك وعليه اوعى
لا يمل ويبعد بلا رجعة
وتفوق وجراحك فيك واجعة
بعد اما الوقت يفوت ويمر
بقلمي/ خالد جمال ٣/٦/٢٠٢٥
ليست هناك تعليقات:
إرسال تعليق