أوعى ترمش
اوعى ترمش ثانية واحدة
اوعى عني تحوش عيونك
رمشه واحدة بعيش ف وحدة
رمشه تانية بتوه بدونك
بلقى نفسي ف غربة جاحدة
بيقولولي الله ف عونك
كل رمشه معاها واخدة
لحظة حلوة من جنونك
أي رمشه شادّة وردة
نفسي أشوفها بين غصونك
لو رموشك عندي غالية
أغلى منهم نور عيونك
ليه تسيبهم يأذوا فيّا
لو تطاوع فيك جفونك
بتخطف وبتوه ف ثانية
لو سابوني بره كونك
لو تنام اقفل عليّا
هبقى محمي ما بين حصونك
أصل فيهم أحلى دنيا
نار وجنة مابين عيونك
بقلمي/ خالد جمال ١٦/٧/٢٠٢٥
ليست هناك تعليقات:
إرسال تعليق