اتمني
اتمني ومهما هتتمني
راح احقق كل ما تتمني
اتمني أوام ولا تتأني
ولا ثانية هسيبك تستني
حبك ع الصعب ده هيعيني
ما أنا قلبي محال يخلف ظني
والشوق قتال يغلب جِنّي
اتمني
لو قلتي النجم بعيد عني
هيكونلك أقرب م النني
لو بدر الليل عايزاه يغني
هيغني معاكي وتتهني
لو عمري كمان طالباه مني
يرخص علشان قلبك صاني
اتمني أكون ف السما طيرك
طير ما يحطش يوم على غيرك
شايلك فوق ضهره يغنيلك
بيغرد ويميل على ميلك
وإن غاب يوم عنك بيجيلك
يشرب م الكف المتحني
اتمني في سرك وف جهرك
لو عايزة الشمس تكون مهرك
والنجمة تصير وردة ف شعرك
وبحور الكون تجري في نهرك
اتمني وشوفي هكون باهرك
دانا جمبك والقلب ف ضهرك
ومناه لو ترضي ف يوم عني
اتمني
بقلمي/ خالد جمال ٢٦/٧/٢٠٢٥
ليست هناك تعليقات:
إرسال تعليق