احمد فؤاد نجم عليه رحمة الله
-------------------------------------
عن موضوع الفول واللحمة
صرح مصدر قال مسؤول
ان الطب اتقدم جداً
والدكتور محسن بيقول
ان الشعب المصري خصوصاً
من مصلحته يقرقش فول
حيث الفول المصري عموماً
يجعل من بني آدم غول
والبروتين الكامن طيه
نادر زيه في ايها فول
تاخد فاخدة في ربع زكيبة
والدكتور محسن مسؤول
تديك طاقة وقوة عجيبة
تسمن جداً تبقى مهول
لحمة نباتي ولا في الحاتي
تاكل قدرة تعيش مسطول
ثم أضاف الدكتور محسن
ان اللحمة دي سم أكيد
بتزود أوجاع المعدة
وتعود على طولة الأيد
وتنيم بني آدم أكتر
وتفرقع منه المواعيد
واللي بياكلوا اللحمة عموماً
هيخشوا جهنم تأبيد ..
يا دكتور محسن يا مزقلط
يا مصدر يا غير مسؤول
حيث ان انتوا عقول العالم
والعالم محتاج لعقول
ما رأي جنابك وجنابهم
في واحد مجنون بيقول
احنا سيبونا نموت باللحمة
وانتوا تعيشوا وتاكلوا الفول
ما رأيك يا كابتن محسن ؟!
مش بالذمة كلام معقول ؟؟
#أحمد_فؤاد_نجم
الله عليك ياعم احمد يانجم
كلامك والله كلام معقول
وازيدك من الشعر ببيت
كلمة وابويا قالهالي
شوفت اسد بياكل الفول
هيا اللحمه. ليها. ناسها
وناس تانيه عايشه بالفول
ما تسمعونا كلام معقول
الشعب اللي ف الدنيا دي
اتختلقنا في قدرة فول
والحكمه اللي دايما قدامنا ان
خلص الفول انا غير مسئول
ويا سلام لو كان فول بسوسه
يخليك عربجي. وترفس
ولو شوفت. غني ها تدوسه
ويا جماله لو معاه بصلتين
والعيش المحشي بمسامير
والمعده بتطحن وتقول
الف شكر لرب كريم
والدكتور محسن لما بنتعب
بشربة زيت وبتمشي حرير
اصل فصيلة الغلبان
بتنهق قوي وكمان بتغير
اصل الفول مليان بروتين
ووش القدره فيه بهاريز
احنا نضحي ونسيبهالكم
والف صحه كدا علي قلوبكم
وسيبولنا اللحمه لو لحم حمير
والدكتور قال كلمه ها قولهالكم
إن اللحمه بتجيب. امراض
وإن الفول مليان فيتامين
والدكتور راجل مسئول
وأن خلص الفول انا غير
مسئول
احمد محمود
ليست هناك تعليقات:
إرسال تعليق