في زنزانة حب
مطلية بلون احمر
وحبي ليها يوماتي
يزيد من شوقي وبيكبر
والجاني هوا سجاني
وعل الجاني مين يقدر
بحبك حب خلاني
سجين والجاني يتمخطر
يا مالكة القلب من جوه
وساكنة وريدي وشرياني
وقلبي دا كان خط احمر
شخبطتي عليه بالألواني
مغرور وغروري كان طايح
وفي سجن غرامك. رماني
وفي لحظة بقيت انا المسجون
وقلبك هوا اللي سجاني
سعيد فرحان في سجنك
عاشق لعيون سجاني
بتمني ضمة من حضنك
واعترفلك اني انا الجاني
ياناس قتيل الغرام انا
والقاتل مش هوا سجاني
بريئ برأة المظلوم
لكن. جوايا انا الجاني
الكل حذرني من حبك
لكن قلبي اللي خلاني
عاشقك وبغني بربابة
كلام العشق بألحاني
وبعد ما كنت أنا المعشوق
بقيت عاشق لسجاني
نصيحة من عاشق. مسجون
اسمع كلماتي و الحاني
اللي عل البر دايما عوام
لا تكون في مكاني مع سجاني
بقلم
احمد محمود
من ديوان سكة العاشقين
ليست هناك تعليقات:
إرسال تعليق