...............
مالك بالسمره وبالبيضه
ودي أد الفيل لسه فى روضه
ودي روح ممصوص أنحف من العود
بتداري فقرها بثياب سوده
وشباب شقيان عرقه ده برڤان
مش عاجب عين نفسه العوجه
ودي بنت كيوت إزاي هتفوت
من ورا نظارته المعووجه
قصرها قصرين ناقصينها
دي مين
متشافه يا دوبها بأعجوبه
وعجوز غلبان صابه التوهان
بتغرق هامته بميه موجه
تستهزأ بيه والموت ليه ناسيه
سامحين له ذهاب وبدون عودة
وبراءه في وشوش
تتحدى نفوس شايفين
إعاقتهم مطروده
حرمنهم من الدنيا بحالها حذفنهم
من صوره موجوده
ما تسيب الناس أدرا بحالها
ليه تكشف ساتر
عمال تتنمر وبتضحك
غاوي خلق مشاكل
بيضا ولا قمحي ولا سمره
وده أيه يعنيك
ويا ريت تتلهي بس في نفسك
وتغض عينيك
ما تجيش فى الأخر وتعيط
قادر يبليك
قبل ما تتنمر على حاله
عد لي أيه فيك
الوش ده غير قلبك خالص
مخدوع في عينيك
فيه مرايه في البيت ولا أجيب لك
الله يهديك
بقلم .. صبري رسلان
ليست هناك تعليقات:
إرسال تعليق