انا هنا
وحبيبتي نايمة هناك
بيني وبينها بحور
وكمان بينا مسافات
أختارتي الفراق بدري
أختارتي الموته هناك
كنت أقولك ياله بينا
تقوليلي بعدين وياك
فاكره كنت بقولك ايه
هاتموتي وتندفني هناك
حتي في موتك هاتتعبيني
تقوليلي روحي متعلقة وياك
مين اللي قال الموت بيفرق
يا حبيبي انا عايشة جواك
ياعمري وانا نايمة بشوفك
والعمر اللي انا عشتة معاك
محفور وف قلبي أقولهولك
من غير ما أغش كلمات
فاكره لما كنت بقولك
مين حبيبك
تقوليلي احمد حبيبي
ومين حبيبتي
تقوليلي اوكا حبيبتك
طيب فاكره لما كنت تعرفيني
من غير كلمة أو اشارة
تقوليلي مش هقولك
وفي أخر ايامك قولتيها
قولتي في نظرة في عيونك
وهي دي كانت الاشاره
ونبرة صوتك جوه مني
بتزود احساس الأماره
واحد. عايش جوه مني
جوه القلب ووسط النني
وبيجري في مجري الدم
ويا وريدي وشرياني
كنت ابن ليا بار
كنت صاحب ليا وجار
كنت ليا كل حاجة
كنت الحضن. وكنت الضم
في غلطي تملي تسامحيني
وفي. عز غضبي تضميني
وفي. جنات الخلد
يا اجمل من رأت عيني
بس ادعيلي في صلاتك
وبلاش دموع واحزان
واه من عشقك اللي خلاني
والله لساني بحبك
بقلم
احمد محمود
من ديوان سكة العاشقين
ليست هناك تعليقات:
إرسال تعليق