طفِّي نار الشوق ف قلبي
سكِّني أنَّات حنيني
سيبي روحك هايمة جمبي
خلِّي حضنك يحتويني
أصلي جمبك بنسى تعبى
من حنانك اروي عيني
بنسى خوفي وبنسى كربي
لما بس بتلمسيني
ضمي فيا ضمي أكتر
عوضيني جراح سنيني
ع الجبين عشقك مسطر
جوه قلبي ونن عيني
نفسي أهرب من زماني
نفسي اعيش أيامي ليكي
كنت عايش غصب عني
بس عادلي عمري بيكي
كت سعادتي تايهه مني
التقيتها ف نور عنيكي
اوعي ليلة تفارقي حضني
اوعي عنك تبعديني
احضنيني
بقلمي/ خالد جمال ١٣/١/٢٠٢٦
ليست هناك تعليقات:
إرسال تعليق