شوقها ف عنيها بيشتكي
ويقوللي حِس
فاكر إنه عادي ومنطقي
أخضعله وِش
دي كمان ايديها بتشتهي
من كفي لمس
شفايفها سامع حِسَّها
تهمسلي همس
وَصلاني دقة قلبها
ترقصلي رقص
وانا ف الكلام ده تقيل أوي
استاذ ونص
مش سهل أحب وحبي انا
ده بخلع ضرس
ولا أي قلب ده قلبي انا
للعرض بس
لأ مش غرور ولا روشنه
ولا عندي نقص
ده الحب ضعف وعمري أنا
ماضعف لإنس
كلام مآوحه وفرعنة
م العقل بس
وإن قلبي حب ودُبت أنا
بيقولّه هُس
بيكونله وحده السيطرة
هوّه البرنس
والعقل ولّى بمقدرة
ومالوهشي حِس
غلّاب كده طبع الهوى
غلّاب ونص
بقلمي/ خالد جمال ٢٢/١/٢٠٢٦
ليست هناك تعليقات:
إرسال تعليق