حين يكشف الصمت ما لم تقله الأيام بقلم نشأت البسيوني

حين يكشف الصمت ما لم تقله الأيام

بقلم/نشأت البسيوني 

حين يكشف الصمت ما لم تقله الأيام بنفهم إن اللحظة اللي نقعد فيها مع نفسنا بصدق هي اللحظة الوحيدة اللي ما تعرفش تكذب وإن السكون اللي كنا بنخاف منه زمان هو أكتر حاجة قادرة تورينا الحقيقة من غير تزييف ومن غير ما نلبسها شكل غير شكلها ولما نقعد لوحدنا بعد يوم طويل أو ليلة مالهاش آخر بنفاجأ إن الصمت بيتكلم ويتكلم بوضوح أكتر من كل الأصوات اللي حاولت تقنعنا 

بحاجات ماكانتش لينا وماكانتش لمصلحتنا بنلاقي الصمت بيكشف حاجات كنا عايزين نهرب منها ويعرينا قدام نفسنا من غير أعذار ومن غير ما نخبي ضعفنا ولا نبرر غيابنا ومع الوقت نكتشف إن العمر كان بيدي إشارات واحنا اللي كنا مشغولين وإن اللي عدى ماكانش خسارة وإن اللي فقدناه ماكانش نقص بالعكس كان مساحة اتفضت عشان حاجة أحسن تيجي مكانها ونفهم إن في ناس كانت 

ضجيج وراحت وفي ناس كانت هدوء وقعدت وإن اللي فضل رغم السكون هو اللي كان صادق واللي اختفى مع أول هدوء هو اللي ماكنش فيه خير من البداية ونرجع نسأل نفسنا ليه كنا بندي قيمتنا لناس ماحفظوش قيمتها وليه كنا بنركض ورا أصوات ما تستاهلش لحظة سماع ومع كل كشف جديد بنرجع خطوة لورا مش هروب لكن إدراك خطوة تقول إن مش كل مواجهة تستحق شجاعة وإن 

في مواجهات أكبر شجاعة فيها إنك تسكت وتمشي لأن الصمت بيكون درع وسيف وباب بنقفل به فوضى سنين ولما نقعد مع نفسنا بصدق نعرف إننا اتغيرنا وإن القلب بقى أهدى والعشم قل والعقل بقى يفهم من أول مرة وإن الروح اللي اتكسرت زمان بقت أقوى من إنها تتأذي من كلمة أو من غياب أو من حد ماكناش محتاجينه

ونكتشف إن السكينة ما بقتش حلم السكينة بقت قرار قرار إننا 

نختار نفسنا قبل الناس وراحتنا قبل إرضاء توقعاتهم ونختار الصمت على الزحمة والوضوح على المجاملات والنقاء على كل علاقة شكلها حلو وجواها سم وفي آخر المشهد نبتسم مش لأن الدنيا بقت أسهل لكن لأننا بقينا فاهمينها نبتسم لأن الصمت سلمنا مفاتيح نفسنا ولأن الأيام مهما خبت بتيجي لحظة تكشف ولما تكشف ما بترجعش تقفل تاني