ببعت جواب ياشوق
للي لسه ملكاني
وببعت سلام ياشوق
للي عنيها سحراني
وببعتلك كتير اشواق
وفي. غيابك انا بعاني
مشتاق. لنظرة عين
وليه سيبتيني وحداني
محتاج لضمة احضانك
ياريت تعودي من تاني
عرفت قيمة ايامك
دي. الوحده صعبة وقتلاني
طيب افتكريني بزيارة
ياريت . تجيني ف منامي
تسعدي لي قلبي الحزين
وترجعيلي احلي ايامي
كتير اصحابي بيقولوا
حبيبتي زارتني ف احلامي
وانا العاشق وانا المشتاق
يا ريت تزوريني ف منامي
عاوز. احكيلك حكايات
حصلت لي وانت ف مكانك
واشكيلك مرار طافح
بكي قلبي و عيوني
واللي. واجع قلبي صحيح
هما اللي. خلفوا ظنوني
واللي. اشتريتهم بالغالي
بالرخيص هما باعوني
وانا والله خلاص محتار
ووصيتك شايلها ف جفوني
وانا عل العهد ياحبيبتي
في قلبي وعقلي وعيوني
ولما يا قلبي نتلاقي
علي عهدك عمري ما اخون
بس انتي تعالي تزوريني
يا أغلي عندي ما في الكون
وحشتيني
بقلم
احمد محمود
من ديوان سكة العاشقين
ليست هناك تعليقات:
إرسال تعليق