شعر نبطي
بقلم خالد كرومل ثابت
بالله يا دار قولي لي وين الأحباب
خلّوا ضلوعي للوجع وخلّوني خراب
وش ذنب قلبي لا عطاهم نبض عمره
ويرجع جزاه الطعن والطعنة غياب
كنت أحسب العِشرة جبل ما يهزّه ريح
وأثر الثبات بداخلهم وهم وسراب
ضحكتهم كانت سما تِظلّل أيامي
واليوم يومي من بعدهم ليل وضباب
البيت من عقبهم تغيّر ملامح
صار الفرح فيه انتهى وصار عذاب
أنادي ولا غير الصدى يردّ صوتي
يرجع عليّ بطعنةٍ فوق العذاب
صورتهم كل ما بغيت أدفن طيوف
قامت بصدري مثل حدّ الحراب
أحسب جروحي مع الزمن تندفن يوم
وأثر الزمن حفّار قبري بلا حساب
هم ما غابوا… هم خذوا كل شي
خذوا الفرح والعمر وراح الشباب
خلّوني أمشي بين خلق الله حيّ
لكن داخلي ليل ما يعرف شهاب
عرفت إن الفقد مو دمعة وحنين
الفقد تعيش وقلبك انسحاب
وأدري بعدهم ما بقى فيني شي
غير جسد يمشي وقبرٍ بلا باب
يا دار لا تسألين عن حال قلبي
قلبي انتهى… والباقي غياب
خالد كرومل ثابت
ليست هناك تعليقات:
إرسال تعليق