ايه الجمال والسحر دوّا
سهم صاب بالعشق كوّى
طلق جوه ف قلبي دوَّى
شد فيا الروح وقوَّى
قلبي شافه وقاللي هوه
هوه ده اللي سكني جوه
قال ده أجمل جنس حوا
سبحان اللي ف حسنه سوى
شىء محال ده يكون له زي
قلبي كان بيعاني نوَّة
نوة من خُذلان وشكوى
كان ضعيف ومافيهشي قوة
عاش معاك ف الشوق فتوة
ياما شاف م الدنيا قسوة
بس عاش وياك ف نشوة
خلَّى ليله شموع وضي
هل عشقه ف جدبي روَُى
نجمه قاد ف سمايا ضوى
بادلي في الأحزان وطوَّى
كان غرامي ف ليل ونزوة
بيك عرفت العشق نجوى
حلمي مات رجعته حى
أيوه بعشق فيك جنونك
بعشق اللهفة ف عيونك
وعد مني الروح تصونك
تبقى وردة تزين غصونك
لو هتحيا تعيش ف كونك
وان تموت فدا عن حصونك
تبقى ليك ف الشمس فَيّ
مالو زي
بقلمي/ خالد جمال ١٤/٤/٢٠٢٦
ليست هناك تعليقات:
إرسال تعليق