الوعود
ياللي بعت وخنت قلبي
قلت ماشي ومش هعود
فين هيامك بيا يابني
فين كلامك والوعود
قوللي ايه كان ذنب قلبي
خلى قلبك لِيه جحود
ليه تجافي وتنسى حبي
ليه تقطَّع ف الورود
ليه هجرت الشوق ف دربي
والحنان بقى فيك بارود
كنت تحلم تبقى جمبي
إني أحن عليك واجود
وأما قلبك فاز بقربي
ليه بعدت عن الحدود
كان غرامك زي صاحبي
خل بيصون العهود
بس غدرك جه وطاحبي
ريح وهدت ف الوجود
كنت واقف يوم ف صفي
ليه بقيت لد اللدود
خدت ودي وكل عطفي
خدت عشق مالوش حدود
سبت قلبي ضعيف بيخفي
شكوى فيه كسرتله عود
امتلكت الروح ف قلبي
والليالي عليك شهود
سبت وهم وقادلي جمري
عقل تايه م الشرود
رغم حيرتي معاك ف أمري
رغم حزني على الوعود
لسه باقي عليك يا عمري
لسه بحلم بيك تعود
الوعود
بقلمي/ خالد جمال ١١/٤/٢٠٢٦
ليست هناك تعليقات:
إرسال تعليق