اسعديني ومتعيني
خللي فرح الكون ده كله
ما يسعيني
اروي قلبي من المحبة
اروي عيني
اشجي روحي من الغرام
علميني إزاي اعوم ف بحور هيام
اوعي مرة تدمعيني
عودي بيا طفل تاني
ولصبايا رجعيني
طفل يحبي بين ايديكي
ضحكته لما يلاقيكي
فرشته جوه ف عنيكي
من حنانك شبعيني
لو بعيد ينده عليكي
لو قريب منك اليكي
لو يخاف يدَّارى فيكي
هدهديني ودلعيني
متعيني
ياللي عشقك جه وملكني
بالحنين والشوق شبكني
امحي ماضي حزين هلكني
خللي حضنك يبقى سكني
اوعي مرة تروعيني
ياللي ضحكتلك سنيني
ياللي صحيتلي ف حنيني
ياللي مات وياك انيني
خللي قلبك بين وتيني
خللي روحك تحتويني
اوعي مرة تفارقي عيني
متعيني
بقلمي/ خالد جمال ١٢/٤/٢٠٢٦
ليست هناك تعليقات:
إرسال تعليق