ثَوْرَةُ الكِنَانَة بقلم مجاهد السعيد المرسى

ثَوْرَةُ الكِنَانَة

بقلم: مجاهد السعيد المرسى

لِيه تِسِبّ مِصْرِ.. اللِّي نَحَتِتْ صَخْرِ الجِبَال؟

اللِّي عَلِّمِتْكُم حُرُوف.. وخَلِّتْكُم رِجَال

الكِنَانَة خَازِنْهَا يُوسُف.. رَمْز العَطَا والجَمَال

تِعْرَف جَبَل التَّجَلِّي؟.. وَمُوسَى فِيهَا رَحَّال

مِصْر التَّارِيخ المَجِيد.. وفَجْرَه لِسَّه مَازَال

أَزْهَرْهَا شَامِخ بِيُوتُه.. وأَسَاسُه فِعْل الرِّجَال

أَهْل الوَسَطِيَّة حَقِيقَة.. لَا تَعَصُّبْ وَلَا جِدَال

بِتْنِمّ فِي تَارِيخْهَا؟!.. وإِنْتَ تَارِيخَك جَوَّال

جَوَّال مِحْتَلَّك يَا "نُونُو".. واليَقَظَة عَنْدَك خَيَال

خَيَال وَهْمِي مِتْدَنِّي.. وعَمَلِي صُنْع الرِّجَال

رِجَال هَشَّة مَاتِقْدَر.. عَلَى مَعَارِك وَنِزَال

نِزَال المَعَارِك إِرَادَة.. عَزِيمَة تِهْدِّ جِبَال

وَلَا إِنْتَ يَا "نُونُو" خَايِب.. مِقَضِّيهَا سَفَارِي وتِرْحَال

تِرْحَال وَلَائِم وفَرَارِي.. وشَايِل أَحْدَث جَوَّال

جَوَّال رَاسِم أَحْلَامَك.. فِي صَحَارِي وَرِمَال

رِمَال مَدْفُون فِيهَا نَعَامُك.. وعَامِل فِيهَا خَيَال

خَيَال صُورَة يَا "نُونُو".. وفِكْرَك دَايِماً شْمَال

أَهْرَامْهَا وبَسَاتِينْهَا العَالْيَة.. بَنَاهَا هِمَّة رِجَال

رِجَال مَا تِكَايِدْشِ جَارْهَا.. وَلَا تِجِيبْ دَجَّال

دَجَّال قَتَّال وَلِسَانُه.. فِي المَعَايَرَة كَيَّال

كَيَّال لِلأُمَّة العَرَبِيَّة.. بِيِحْمِي صُهْيُون وعِيَال

عِيَال سَبَّابَة والسَّبِّ.. فِي قَامُوسْهَا حَلَال

"تْرَامْبُولا" مِتْوَحِّش مِتْوَغِّل.. عَامِل فِينَا زِلْزَال

صُهْيُون عَدُوَّك وعَدُوِّي.. إِصْحُوا بَقَى يَا رِجَال

مِتْعَطَّر بِعِطْرِ فِرَنْسَا.. ومَاشِي يِهِمْ بِاخْتِيَال

بِيِدْفَع لِمَامَا أَمْرِيكَا.. دَنَانِيرُه فِي شَوَّال

فِلُوسَك طَارِت يَا "نُونُو".. بِصَارُوخ مِتْفَصِّل جَزَال

تِبْكِي وتِنُوحْ عَلَى نَفْسَك.. تِقُول "إِلْحَقْنِي يَا خَال"

نِقُولَّك وِحْدَة عَرَبِيَّة.. تِقُول "دَه صَعْبِ مُحَال"

مِصْر رَقَم وَاحِد فِعْلاً.. وصَعْبِ جِدّاً تِنْزَال

وكُلِّ سِفْلِ يِعَادِيهَا.. يِنْدَاس بِأَقْوَى نِعَال

مِصْر البَهِيَّة أَبِيَّة.. وأَطْفَالْهَا فِعْلًا رِجَال

مِصْر التَّارِيخ النَّاصِع.. كَرَامَة وَمَجْدِ وَجَلَال

أَصْل الكَرَم نَابِت فِيهَا.. وإِسْأَل حَتَّى "دَانِيَال"

حَوَت القَاصِي والدَّانِي.. صَلِيب مَعَاه الهِلَال

مِصْر المَحْرُوسَة مَحْفُوظَة.. بِحِفْظِ رَبِّ المُتَعَال

المُتَعَالْ أَعْلَى مَقَامِك.. يَا مِصْرُ فِيهَا مَجَال

مَجَالِك الفَخْرُ صَرْحُه.. رَاسِي كَمَا الأَجْبَال

أَجْبَال تِصِدّ الرِّيَاح.. وتِخَلِّي الـ "نُونُو" عِيَال

عِيَال هَبَاءٍ مَضَوْا.. ومِصْرُ فِيهَا الرِّجَال