بقدرة قادر بلاقيني
واقف وحدي ف عز الطل
نسيت احلامي. وسنيني
وبقيت كدا زي الفل
مش عارف بكره من امبارح
ولا رايح فين ولا جي
بدور علي حد يعرفني
اصحابي لو خال أو عم
توهه علي طول وخداني
وعقلي خلاص راح مني
حزين. وحداني وراكبي الهم
خلاص وتعبت من الغربة
دي دنيا ولا دي تربة
يا دنيا تعبت من التوهان
وفي عز الزحمة واللمه
الأقي في حاجة جوايا
توسوسلي توشوشني
وصورة شايفها قدامي
لبنت جمالها رباني
تشاورلي. تأشرلي بتندهلي
الأقيني بجري. عليها. وبسرعة
الأقيها فاتحة ليا أحضانها
وبدون ولا كلمة الأقيها
ضماني وحضناني ووخداني
ووخداني في حته كأنها بعيده
عن عيون الناس ومن تاني
تعيد. من تاني وحضناني
وسؤأل علي طرف لساني
يقول. يا حبيبتي انا. مين
قالت خليك في توهانك
وخليني عايشة في. احضانك
وما ليش فيك شريك
انا نبضك و شرياتك
انا المخلوقة علشانك
انا اهلك و خلانك
انا امك انا حبيبتك
وبعت الكل علشانك
بعدها وعرفت انا مين
بقلم
احمد. محمود
من ديوان. سكة العاشقين
ليست هناك تعليقات:
إرسال تعليق