بنت زي القمر
وفي جمالها مفيش
هيا اللي اختارتني
وقالت غيرك انت مليش
بسمع اسمك يومياتي
في قلب بيتنا
وسيرتك ما بتنتهيش
غصب عني لقيتني
في حضن قلبك
نفسي. يا عمري أعيش
حتي فرق السنين
اللي بيقولوا عليه
والله ياقلبي ما همنيش
خدت. رأي الحبايب
قالوا ابعد عنها وعيش
يا عم دي مش لونك
وبنت عاجره قوي
ودمها. يلطش زي الشويش
رجعت ابص عليها لقيتها
غزاله شاردة ونار قايدة
وف دلالها ياناس مفيش
الوجه زي القمر والكحل رباني
قوامها قوام غزلان
والكعب دا احمر حاني
أختي قالت دي هدية رباني
بعد الصبر والعذاب
يا حبيبي أقبلها وعيش
ياقلبي اسمع كلامي
وفي غير كدا ما تكلمنيش
جريت علي بيت ابوها
وبقلب جامد رحت طالبها
بعد خد وهات مع ابوها
وطبعا امها رفعت. حاجبها
قولت خدوا رأي البنيه
بقلب جامد وما همنيش
خدوا رأي البنيه قالت موافقة
هوا حبيبي وغيره ماليش
عدت علينا شهور
وخلاص قربت الفرحة
أمها قالت كلمتين بايخين
حسيتهم قوي جارحه
في لحظة غضب. مني
قولتلهم النصيب مفيش
البنت جن جنونها وقالت
من غير حبيبي ما اعيش
جريوا. بسرعة عل الطبيب
والبنت لحقوها
والكل قدم لي اعتذار
وانا بردوا النصيب مفيش
مرت سنين طويلة
واللي بينا ما بيتنسيش
بدعيلها من كل قلبي
ياخد من عمري وهي تعيش
بقلم
احمد محمود
من ديوان سكة العاشقين
ليست هناك تعليقات:
إرسال تعليق