أنت مش ممكن
حُسن ولا يُمكِن
كنت فين شايله يابني ومدكِّن
جوه شرياني عشقك اتمكن
شال ف أحزاني جرحي لِيه سكِّن
اللي بالروعة قبلك اتوصفوا
شاهدوا فيك حسنك
بِعدوا واتكسفوا
عنك ادَّاروا كله بقى يركن
قلبي ليك خاضع عقلي ليك صادع
مانت سيف رمشك نصله كان رادع
من جمال قدك قلبي صقفلك
والدلال عندك فوق ما هوصفلك
مانت يا عنيا م الجمال راضع
بص يا حبيبي لحظة من فضلك
انت عسلاية والعسل فاضلك
والقمر لما شاف عنيك قادلك
أحلى طلاية طلة من قلبك
انتي قمرايه ساكنة ف العالي
ولا مانجايه طايبة تحلالي
ياللي سيل مدك من ورود خدك
فاض ملى ف أرضك شهد م الغالي
امتى يا عنيا ترضى تسمحلي
لو تقول عاشقك أو تلمحلي
راحتي يا حبيبي بلقاها ف قربك
بنسى تغريبي لما اكون جمبك
امتى تصفالي يوم وترتاحلي
تيجي وبشوقك تمحي بشروقك
ليل جراح فيا قلبي فيه تسكن
انت مش ممكن
بقلمي/ خالد جمال ١٥/٧/٢٠٢٦
ليست هناك تعليقات:
إرسال تعليق